Adineko herritarren ekarpenak eta gure iraganari buruz eginiko ikerkata lanak, inauterien festa-muina berreskuratzeko balio izan du. Uharteko historiako zenbait pertsonaia zahar ezagutzea eta berreskuratzea lortu da, hala nola: TIPULON: Tamaina handiko pertsonaia, landare-motiboz, hostoz eta tipula-txirikordez estalia. Boterea irudikatzen du. TXATXOAK: Tipulon zaintzeko ardura dute. MINERVAK: Emakumezkoak protagonista ziren antzinako erlijio-jaietan dute jatorria. Inauterietan parte hartzeko berreskuratu ziren, ur-elementu bezala. Doluz jantzitako emakumeak dira eta urez beteriko baldek eta eskuilak daramatzate mozorrotu gabe dauden pertsonak zirikatzeko. KEMAKULOAK: San Joan gaueko ohituretatik berreskuratutako pertsonaiak, aspaldian mutilak zintzilikatuta zeramatzaten tipula-txirikordei sua emaz jolasten baizuten. Su-elementu bezala berresluratua, metalezko kuboak eramaten dituzte, eta barruan lasto hezea erretzen dute, arriskurik gabe ke izugarria sortuz. Pertsonaia guzti horiei, kultur talde ezberdinen parte-hartze gogotsuari eta herritaren eskuzabaltasunari esker, inauteriak festa bihurtu dute, kalea eszenatoki bihurtuz ongi pasatzeko. TIPULON TXATXOAK KEMAKULOAK MINERVAK JOALDUNAK ERRALDOIAK SORGINAK MUSIKARIAK
0 Comentarios
Dejar una respuesta. |
|